Cebu City- Padayun karun nga gisubay sa kapulisan ang nahimutangan sa duha ka mga suspetsadu sa pagpusil patay sa konsehal sa lungsod sa San Fernando, probinsiya sa Sugbo.
Giila ang biktima nga si Alexander Alicaway, 49 anyus ug residente sa Brgy Tinubdan, sa nahisgutang lungsod.
Una niini, gisaysay ni PO3 Marjo Quenesuari sa San Fernando PNP nga anaa sa merkado ang biktima sa dihang mi-abut ang duha ka mga mamumuno sakay sa usa ka motorsiklo ug dayung pamusil.
Nakaangkun kini ug samad pinusilan sa iyahang ulo ug gisulayan pagdala sa tambalanan apan gideklarar na kini nga dead on arrival.
Sa pagkakarun, gikab-ut sa kapulisan ang pamilya sa biktima arun nga makatabang kanila sa pag-trace sa kung unsa man ang posibling motibo sa pagpusil patay sa nahisgutang konsehal
