Konsehal sa San Fernando, Cebu nga giingong HVT ug nalakip sa drugwatchlist gipusil patay

Cebu City- Gikompirmar sa hepe sa San Fernando Police Station nga si PSI Arvie Arbuis nga usa ka High Value Target ug naa sa drug watchlist ang gipusil nga konshehal sa lungsod sa San Fernando, Cebu nga giilang si Councilor Rene Boy Dacalos.

Sa inisyal nga impormasyon, naglingkod lang matud pa ang konsehal sa gawas sa tindahan nga gipanag-iya sa iyang igsoon sa dihang kalit nga miabot ang 4 ka tao nga nagsakay og motorisiklo ug namusil sa biktima.

Gidala pa sa tambalanan ang konsehal apan nakabsan gyud kini sa iyang kinabuhi.Narekober gikan sa crime scene ang 8 ka kabhang sa bala.

Nasayran nga natokhang na usab ang maong konsehal apan wala kini misurrender.

Ikaduha na si Dacalos sa mga konsehal nga napatay sa sulod sa 10 buwan.