CEBU CITY-Patay ang usa ka konsehal human kini gipusil sa wala pa matinong mamumuno sa may Sitio Tab-ang, Purok Saging, Barangay Ilaya lungsod sa Ronda, probinsya sa Cebu.
Giila ang incumbent konsehal sa naasoy nga barangay nga si Ramil Abueva hingkod ang panuigon
Basi sa imbestigasyon, gikan sa public market ang konsehal og sa dihang pauli na kini sakay sa iyang motor, kalit kining gipusil sa makadaghang higayon sa wala matinong mamumuno.
Naka-angkon og samad pinusilan sa nagkadaiyang parte sa iyang lawas ang biktima hinungdan sa iyang hinanaling kamatayon.
Samtang usa usab ang angol nga naigo sa saag nga bala. Naila kini nga si Magno Porgatorio, 25 anyos usa ka Trisikad driver ug residente sa naasoy nga dapit.
Gidala kini karon sa usa ka dakong tambalanan sa dakbayan sa Sugbo og kasamtangang gi-atiman sa mga doktor.
