Plano ni Cebu City Councilor Philip Zafra, ang pangulo sa Comittee on Contest Cluster nga mas istriktuhon pa ang paglimit sa mga props nga bit-biton sa mga contingents sa Sinulog sa sunod tuig.
Plano usab sa opisyal nga moduso sa pagmugna og Props Committee aron maoy motutok sa pagsusi sa tukma nga gitas-on og gidak-on sa mga nagkadaiyang props sa mga contingents.
Gumikan kay usa kini sa mga rason nga nakabalda sa dagan sa parada sa nakalabayng Sinulog 2025.
Matud ni Konsehal Zafra, nga taliwala sa mga reklamo sa mga tawo gumikan sa kahout og kadaghan sa mga midagsa niadtong Sinulog apan wala silay mabuhat kun dili ipasira gayud ang pipila ka mga kadalanan aron malikayan ang kahout sa dagan usab sa trapiko.
Sa pikas bahin usab, dili gayud mapugngan sa kagamhanan ang paglabang-labang sa mga tawo atol sa Sinulog, hinungdan nga naglisod usab og pagkontrol ang mga awturidad niini.
Nagpasalamat usab si Konsehal Zafra, sa mga sakop sa kapulisan, Cebu City Disaster Risk Reduction Management Office, Bureau of Fire Protection, Office of the Civil Defense, joint military task force ug uban pa nga miabag sa pagbantay sa siguridad og kahapsay sa Sinulog 2026.
Lakip usab nga gipasalamatan sa opisyal ang mga contingents sa pagsunod sa limitasyon nga gipahamtang sa mga nagkadaiyang Props og gumikan niini nahimong hapsay ang og paspas ra ang flow sa Sinulog showdown.
