CEBU CITY-Gisuportahan sa Cebu City Council ang Senate Bill (SB) 1964, o ang Kabalikat sa Pagtuturo Act, nga nagpataas sa allowance nga gihatag sa mga magtutudlo sa publikong eskwelahan.
Kini human si Konsehal Rey Gealon sa South District nipalabang og resolusyon atol sa regular session sa konseho niadtong Miyerkules, Hunyo 7, 2023, nga opisyal nga nagpaluyo sa balaudnon nga gimugna ni Senador Ramon “Bong” Revilla Jr.
Ang SB 1964 giaprobahan sa Senado pinaagi sa boto sa 20 ka mga senador ug nagpaabot sa ratipikasyon sa dili pa kini ipadala ngadto sa Presidente alang sa iyang pirma.
Ipasaka niini ang kasamtangang allowance nga P5,000 ngadto sa P7,500 matag magtutudlo alang sa School Year 2023-2024, ug P10,000 ug alang sa School Year 2024-2025 pataas.
