Gikatakdang padayonon ang dugay nang natanggong nga konstruksyon sa Cebu City Medical Center (CCMC) sumala pa mismo ni Cebu City Mayor Nestor Archival Sr.
Mao kini ang pamahayag ni Archival atol sa pakighinabi niini sa mga sakop sa tigbalita niadtong Lunes, Septiyembre 29 diin mimando kono sa pagpadayon sa konstruksyon sa tambalanan apan sa inanay nga higayon.
Matod pa nga adunay independent technical audit nga mirekomendar sa pagpadayon sa proyekto sa pipila ka hugna imbes nga kausahon kini.
Gikatakdang masumiter ang final report sa technical review sa uanng semana karong buwan sa Oktubre aron makuha sa kagamhanang dakbayan ang pagtapos sa konstruksyon sa tambalanan.//
Gani dugang pa sa mayor nga ang P700-milyones nga kontratang gi-award sa Dakay Construction para sa Phase 5 sa proyekto kay gipaubos nsa sa review ug posibleng ma-realign aron matakdo sa nakit-an sa audit.
Giklaro niini nga ang pagtrabaho kay wala pa pagasugdi tungod kay nagpaabot pa ang kagamhanang dakbayan sa kumpletong audit report usa mag-isyu sa order to proceed.
