CEBU CITY-Giabiabi ni DOT Secretary Christina Frasco ang dili mominos 300 ka mga bisita gikan sa Korea, ang pinakaulahing batch sa record nga 1,400 ka incentive travel guests nga niabot sa Mactan Cebu International Airport sa buwan sa Abril.
Gianunsyo usab sa Tourism Secretary, nga nabawi sa mga turistang Koreano ang top spot isip labing kanunay nga langyaw nga mibisita sa Pilipinas sa 2023.
Matod ni Frasco, gikan sa 1.5 ka milyon nga langyaw nga turista nga nakabisita sa nasud karong tuiga, ang mga Koreano ang naglangkob sa labing dako nga bahin.
Kauban ni Frasco nga ni-welcome sa mga langyaw si Lapu-Lapu Lone City Representative Congresswoman Cindi King-Chan; Lapu-Lapu City Mayor Junard Ahong Chan; Mr. Rafael Aboitiz, ug mga opisyal sa DOT nga naglakip nila ni Undersecretary Shahlimar Hofer Tamano.
