Gimando sa Court of Appeals (CA) ang pagpagawas sa 81-anyos nga si Prudencio Calubid Jr. gikan sa Manila City Jail.
Kini human mahibaw-i nga sayop siyang gidakop isip lider sa New People’s Army (NPA) ug consultant sa National Democratic Front of the Philippines (NDFP), kay kini usa ka mistaken identity.
Nasayran nga si Calubid, construction worker nga taga dakbayan sa Olongapo, nasikop sa mga otoridad tungod sa kalibog sa iyang pangalan ug pagkatawo, ug dili siya ang target sa kapulisan.
Gisaway sa CA ang Philippine National Police (PNP) tungod sa kakuwang sa imbestigasyon ug paggamit sa wala mapamatud-i nga impormasyon gikan sa social media.
Ang mga grupo sa tawhanong katungod sama sa National Union of Peoples’ Lawyers (NUPL) kusganong gikondena ang insidente, nga nag-ingon nga kini nakapaalarma sa sistema sa pagpangayam sa mga bounty sa gobyerno, nga nag-awhag sa mga awtoridad sa pagpangita sa mga suspetsado alang sa mga ganti kaysa hustisya. | Bombo Irene Ardiente
