Gibasura sa Korte Suprema (SC) ang petition for a writ of amparo nga gisang-at ni kanhi presidential spokesperson Herminio “Harry” Roque Jr.
Gisang-at ni Roque ang petisyon subay sa contempt and detention order sa House of Representatives Quad Committee (Quadcom) batok kaniya kalabot sa imbestigasyon sa panel sa ilegal nga Philippine Offshore Gaming Operators (POGOs).
Giangkon niya nga ang mga mando sa pagtamay ug detensyon kay naghulga sa iyang katungod sa kinabuhi, kagawasan, ug seguridad.
Matud sa tigpamaba sa SC nga si Camille Ting nga gi-deny sa Korte ang hangyo ni Roque alang sa writ of amparo ug nagtuo kini nga ang amparo dili ang hustong remedyo batok sa mga mando sa contempt ug detention sa Kongreso.
Sa kamandoan niini, gimandoan sa SC ang House Quadcom sa pagkomento sa petition for prohibition ni Roque.
Gihangyo usab ni Roque ang tribunal nga did-an ang komite sa pagdakop kaniya, ug pag-require kaniya sa pagtambong sa umaabot nga mga pagdungog ug pagpresentar sa lainlaing mga dokumento.
