Gimando sa Korte Suprema ang electronic filing sa mga kasong annulment sa kaminyoon ug nullity.
Sa public statement ug notice nga giluwat sa Korte Suprema, giingon nga kining mga matang sa kaso kinahanglang isumite ug ipasaka gamit ang electronic system.
Basi sa bag-o lang nga resolusyon sa Korte Suprema En Banc sa gipalapdan nga Rule 13-A sa Rules of Civil Procedure, gimando niini ang pagpatuman sa electronic filing sa mga kaso partikular na sa annulment of marriage.
Bisan ang service of pleadings, pag-file sa mga mosyon ug uban pang mga papeles nga may kalabutan sa civil cases sa una ug second-level nga mga korte kay electronic na.
Kahinumduman nga sa wala pa ipatuman ang maong kausaban, ang Rule 13-A wala pa maglangkob sa mga special proceedings sama sa annulment ug nullity of marriage cases.
Diin ang Office of the Court Administrator mismo ang nirekomendar nga iapil ang maong mga kaso tungod kay matod nila nga ang mga pamaagi parehas sa civil actions.
Sumala sa buhatan sa tigpamaba sa Korte Suprema, kini nga inisyatiba kabahin sa ilang mga lakang ubos sa Strategic Plan for Judicial Innovations 2022-2027.
