Nipasalig ang Korte Suprema nga ilang aksiyonan ang nadawat nga impormasyon gikan sa Department of Justice kalabot sa usa ka indibidwal bahin sa kaso sa mga missing sabungeros.
Makaseguro ang publiko nga seryosohon nila kini ug imbestigahan nunot sa pagkalambigit sa indibidwal ug sa pasangil nga ‘judges’ ug ‘justices’.
Matod sa mensahe nga gipaambit ni Atty. Camille Sue Mae Ting, ang tigpamaba sa Korte Suprema, ang huwes mohimo sa iyang kaugalingon ug lawom nga imbestigasyon.
Kahinumduman ning bag-o lang, usa sa gibutyag ni alyas ‘Totoy’ o Julie ‘Dondon’ Patidongan mao ang pagbutyag nga daw mahimo nga manghilabot ang ‘mastermind’ bisan sa hudikatura.
Busa, gipahibalo sa Department of Justice nga gipangulohan ni Secretary Jesus Crispin Remulla ang ilang koordinasyon sa Korte Suprema.
Busa, gidasig ni Ting ang publiko nga i-report ang bisan unsang matang sa korapsyon sulod sa hudikatura ngadto sa iyang buhatan.
