CEBU CITY – Gikalipay ni kanhi Senador Aquilino Nene Pimentel nga malakip siya sa 19 ka miyembro sa consultative committee nga magpahigayon ug review sa 1987 Constitution para sa pagbag-o sa gobyerno paingon sa pederalismo.
Gikalipay usab niini ang pgsilibi isip chairman ni kanhi Chief Justice Reynato Puno sa consultative committee.Matud ni Pimentel nga adunay mga probisyon sa konstitusyon nga dili na gikinhanglan pang bag-uhon sama na lamang sa separation of church and state,bill of rights ug ang pagpabilin sa mga anti graft-body.
Apan adunay mga probisyon sa Konstitusyon nga gikinahanglan nga bag-uhon.Gawas sa pagbag-o sa pamaai sa pagbahinbahin sa budget sa mga estado gusto na lamang ni Pimentel nga mabag-o ang probisyon sa kwalipikasyon sa mga mokandidato sa eleksyon.
Matud niini nga gikinhanglan nga adunay diploma sa elementarya ang mga mokandidato sa pagka kapitan,sekondarya sa modagan sa pagka mayor ug gobernador,college graduate usab ang modagan sa kongreso ug mas taas pa ang modagan sa pagka- presidente.
Dili matud pa igo nga basehan nga kahibalo mosulat ug mobasa kundili lakip na ang edukasyon sa pagka kandidato ug pagdumala sa gobyerno.
