Nangandam na ang OPM singer nga si KZ Tandingan alang sa iyang dakong concert nga giulohan og “Wildflower” nga ipahigayon sa Pebrero 6, 2027 sa Araneta Coliseum sa Cubao, Quezon City.
Gipahibalo ni Tandingan ug sa iyang bana nga si TJ Monterde ang maong pasundayag pinaagi sa hiniusang post sa social media.
Diin si John Prats ang modumala sa maong concert, samtang magsugod ang pagbaligya sa mga ticket sa Oktubre 31 pinaagi sa Ticketnet.
Misunod ang pahibalo human sa pagpagawas sa kanta nga “Luha ng Buwaya,” nga kolaborasyon ni Tandingan ug sa OPM rapper nga si Gloc-9.
Nakasulat usab sa kasaysayan si Tandingan isip unang Pilipino nga nakapahigayon og sold-out concert sa Dubai World Trade Center Arena.
Gipili usab siya nga mokanta sa “Gabay,” ang unang Disney song nga gihimo sa pinulongang Filipino, ug nagsugod ang iyang karera sa musika human modaog sa “X-Factor Philippines” niadtong 2012.
