Mipadayag si Cebu City Mayor Edgardo Labella nga angayang kabalak-an sa tanan ang gibantayang epekto sa 2019 novel coronavirus (N-CoV) human nga nasinati kini sa pipila ka mga lugar sa Asya.
Matud sa mayor nga usa ang nahisgutang dakbayan sa mga inilang tourist destination kung diin minilyon ka mga turista ang mibisita.
Nasayran nga kadaghanan sa mga turista nga manglaag sa dakbayan sa Sugbo, nagagikan sa South Korea ug gikan usab ang uban pa sa Taiwan ug China.
Gimanduan na ni Labella ang City Health Department nga i-monitor ang kahimtang sa N-CoV ug bantayan ang mga Asian tourists nga mobisita sa dakbayan.
Dugang pa niini nga angayang ma-concerned ang katawhan ilabi na nga aduna nay lakang ang mga health authorities kalabot sa maong sakit.
Mipahinumdom kini sa katawhan nga buhaton gayud ang mga precautionary measures sama lang sa pagpalig-on sa resistensya ug frequent handwashing aron kalikayan ang maong coronavirus nga nakaigo sa gatusan ka mga Asyano.
