Gipahimangnoan ni Cebu City Mayor Edgardo Labella ang mga kapitan sa 80 ka mga barangay sa dakbayan sa Sugbo nga kinahanglang hawanan ang mga nagbabag sa kadalanan pinaagi sa road clearing operations.
Matud ni Labella nga walay exempted sa mando sa Department of Interior and Local Government bisan pa man og kaila pa niya kini.
Dugang pa niini nga kung manginahanglan og assistance ang mga barangay sa pagpatuman sa road clearing 2.0, andam usab og tagana ang Cebu City Government nga mopadangat og personnel aron motabang sa paglimpyo.
Kinahanglang limpyohan, matud pa, ang daplin sa kalsada isip pagtuman sa kamanduan ni Presidente Rodrigo Duterte.
Kung itandi sa nakalabay nga road clearing operations diin gimanduan sa DILG ang mga mayor, karon gitahasan na ang mga barangay officials alang niini. (with reports by Bombo Jun Salde/gn)
