Paninguhaon ni Cebu City Mayor Edgardo Labella nga makasayaw kauban ni Cebu Governor Gwendolyn Garcia sa Sinulog sa sunod tuig.
Matud ni Labella nga pangandaman ang pagsayaw niini sa ilang “unity dance” kauban ang mga konsehal ug department heads sa Cebu City Government.
Apan sa pagkakaron, manginahanglan pa sila og practice alang sa mas maayong performance sa ilang unity dance sa sunod tuig.
Kahinumdumang wala madayon ang “unity dance” ning tuiga gumikan kay usa sa gi-atiman ni Labella mao ang pagbisita ni Presidente Rodrigo Duterte kagabii.
Samtang gipasalamatan sa mayor sa dakbayan ang mga Sugbuanon tungod sa pagtinabangay alang sa malampusong pagpahigayon sa Sinulog 2020.
Matud usab ni Labella nga ang kapistahan ni Sto. Niño mao ang selebrasyon sa pagpasalamat gumikan kay gipanalipdan ang Sugbo sa mga kadautan.
Sa gihapon gipasalamatan usab niini ang Balaang Bata tungod sa luwas nga pagpahigayon sa Sinulog.
