CEBU CITY-Walay nakita nga ‘maltreatment’ si Cebu City Mayor Edgardo Labella atol sa iyang pagbisita sa Operation Second Chance –usa ka rehabilitation center para sa mga ‘children in conflict with the law (CICL)‘.
Kini subay na usab sa nahitabong pag-iskapo sa dili muminos 20 ka menor de edad niadtong nakalabay nga adlaw kung diin migawas ang report nga dunay ‘ maltreatment’ sulod sa maong center.
Hinungdan nga gi-surprise visit sa mayor ang Operation Second Chance aron masuta kung tinood ang iyang nadawat nga taho.
Sigon sa Mayor nga sa iyang nakita, sukwahi ang pangangkon sa mga nangikyas nga minors nga gimaltrato sila ug wala sila gitarong og atiman sa mga ‘house parents’.
Atol sa pagbisita sa mayor, gipakaon niini ang mga batan-on subay na usab sa request niini.
Samtang, uyon si Labella sa sugyut ni Cebu City Police Office (CCPO) Dir. Police Col. Gemma Vinluan nga butangan og 2 ka police personnel ang Operation Second Chance arun nga dili na masubli ang pag-iskapo sa mga bata.
