Labella: ‘Walay nepotismo sa City Government’

Gitataw ni Cebu City Mayor Edgardo Labella nga walay nahitabong nepotismo sa City Government bisan pa man og nakatrabaho diha ang iyang mga paryente.

Kini human nga gikwestyon sa administrasyon gumikan sa, matud pa, daghang mga paryente ang nagtrabaho sa Cebu City Hall.

Matud ni Labella nga iyang gi-hire isip staff sa Mayor’s Office si John Labella.

Samtang gi-hire ni Vice Mayor Michael Rama ang igsuon sa mayor nga si Jojo Labella isip usa sa mga empleyado sa City Hall.

Dugang pa ni Labella nga mga co-terminus lang ang iyang mga paryente nga nagtrabaho sa City Government.

Nasayran nga adunay mga igsuon, ig-agaw, ug pag-umangkon sa mayor ang nanarbaho sulod sa Cebu City Hall butang nga gikwestyon kini sa mga kritiko.