CALIFORNIA, USA — Ganahan ba mo makatilaw og labing mahal apan labing lamian nga kape sa tibuok kalibutan?
Sa California, mapalit ang labing mahal nga kape diin mapalit kini sa kantidad nga $75 (o P3,900) matag tasa.
Kini ang eksklusibo ug latest offer nga gihatag sa kumpaniya nga Klatch Coffee Roasters nga gitawag og Elida Natural Geisha 803.
Gihulagway nga record-breaking ang presyo sa maong kape gumikan kay hinimo man kini sa organic beans nga gikan pa gayud sa nasud nga Panama.
Apan limitado ang supply sa maong coffee beans diin naka-purchase ang maong kompaniya og 45 kilograms nga coffee beans gikan sa maong nasud.
Nasayran nga usa ka rare variety sa Arabican coffee beans ang gigamit sa labing mahal nga kape.
Kung mahulagway ang lasa, sama lang sa lasa sa tea ug floral ang flavor niini.
Sa wala pa gilusad sa publiko ang labing mahal nga kape, nagpatilaw ang maong kompaniya og free samples sa miaging adlaw sa usa ka branch sa San Francisco, California.
