Labing menos 10 ka mga Syrian national ang gitaho nga namatay sa usa ka residential building sa lungsod sa Nabatieh sa habagatang Lebanon human sa gilusad nga airstrike sa Israel.
Matud sa Lebanese health ministry nga lakip sa naangol ang usa ka babaye uban sa iyang 2 ka mga anak samtang 5 ang naangol, 2 niini anaa sa talandugon nga kahimtang.
Ingon man nga gikumpirmar sa Israeli military nga ang ilang air force niigo sa pasilidad sa weapons storage sa Hezbollah sa tibuok gabii sa Nabatieh, 12 kilometro gikan sa utlanan sa Israel.
Kahinumduman nga nisamot ang tensyon sa rehiyon ning bag-ohay nga mga adlaw human sa mga rocket strike sa Israeli-occupied Golan Heights nga gibasol sa Lebanese militant group Hezbollah.
Samtang ang Embahada sa Pilipinas sa Lebanon nipagawas og advisory nga nag-awhag sa tanang Pilipino sa maong nasod nga mobakwit sa daling panahon samtang ang tugpahanan sa Beirut nagpabiling operational taliwala sa gikahadlokang pagbuto sa all-out war tali sa Hezbollah ug Israel.
