Nakapatay og labing menos 12 ka mga tawo ang gilusad nga airstrikes sa Amerika sa kaulohan sa Yemen.
Diin 30 pa ka mga tawo ang nasamdan, sumala sa mga rebeldeng Houthi.
Ang Central Command sa militar sa US nagdumili sa pagkomento sa pag-atake ug kung adunay mga sibilyan nga nalambigit sa insidente.
Sumala sa mga rebeldeng Houthi, usa ka sikat nga merkado sa Farwa nga distrito sa kaulohan nga Sana’a ang naigo, diin ang lugar nga gipuntirya sa mga Amerikano.
Sa gipagawas nga footage sa usa ka Houthis news channel nagpakita sa kadaot sa mga sakyanan ug mga bilding sa lugar.
Ug ang ubang mga lugar sa Yemen, lakip ang Amran, Hodeida, Marib ug Saada governorates, naigo usab sa tibuok gabii nga mga strikes.
Nahitabo ang pag-atake taliwala sa gipakusog nga kampanya sa US nga maglunsad og mga strikes nga nagpuntirya sa rebeldeng grupo alang sa pagtarget sa mga barko nga moagi sa Red Sea.
Gihimo usab sa US ang pag-atake human ang mga airstrike miigo sa Ras Isa fuel port sa Yemen sa miaging semana, nga nakapatay og 74 ka mga tawo ug nakaangol sa 171.
