Napalgan ang labing menos 148 ka mga patayng lawas human ang usa ka de-motor nga sakayan nga kahoy nasunog ug nalunod sa Democratic Republic of Congo.
Nasayran nga mokabat sa 500 ka mga pasahero ang sakay sa barko, lakip ang mga babaye ug mga bata, sa dihang kini mibalitok sa Congo River nga nahimutang sa amihanan-kasadpang rehiyon sa nasod.
Ingon man nga gatusan pa gihapon ang gitaho nga nangawala ug posibleng mas madungagan pa ang ihap sa mga nangamatay.
Samtang anaa usab sa mga 100 ka survivors ang gidala sa usa ka improvised shelter sa local town hall, samtang kadtong adunay mga samad sa paso gidala sa lokal nga mga ospital.
Ang sakayan, nga gitawag og HB Kongolo, nasunog duol sa lungsod sa Mbandaka, nga mibiya sa pantalan sa Matankumu paingon sa teritoryo sa Bolomba.
Basi sa imbistigasyon nga nahitabo ang sunog sa dihang nagluto ang usa ka babaye sakay sa barko.
