KENYA-Mabalak-on nga naghuwat ang mga ginikanan aron mahibal-an kung buhi pa ba ang ilang nawala nga mga anak human nasunog ang usa ka boarding school sa sentro sa Kenya.
Diin labing menos 17 ka mga estudyante ang gikumpirmar nga namatay sa Ministry of Education kaniadtong Biyernes sa buntag, samtang ang deputy president miingon nga 70 ka mga bata ang gikatahong missing.
Gituohan nga ang pipila niini nga mga bata mahimong midagan ngadto sa lokal nga komunidad aron makalingkawas sa sunog, o gikuha sa ilang mga ginikanan nga wala mahibalo ang eskwelahan.
Ingon man nga gikahadlokan usab sa mga otoridad nga mahimong motaas ang ihap sa nangamatay, tungod kay kapin sa usa ka dosena nga mga estudyante nga naangol ang gidali sa pagdala sa ospital nga adunay grabe nga mga paso.
Subay niini, nimando si Kenyan President William Ruto sa usa ka bug-os nga imbestigasyon sa incidente ug siguraduhon nga manubag ang responsable sa maong sunog.
