Patay ang labing menos 20 ka mga senior Iranian commanders, diin lakip niini ang pangu sa mga rebolusyonaryong guwardiya ug Aerospace Force Commander Amir Ali Hajizadeh.
Padayon ang paglunsad sa Israeli military og mga strikes sa mga lugar sa militar ug nukleyar sa Iran, ingon man sa mga dagkong lungsod.
Subay sa maong pag-atake kay nipasidaan si Iran’s Supreme Leader Ayatollah Ali Khamenei nga ang maong lakang sa Israek kay adunay pagbalos nga mas grabe pa nga maoy silot sa ilang pagpatay sa mga top-level military commanders ug 6 ka nuclear scientists.
Matud ni Prime Minister Benjamin Netanyahu nga magpadayon pa ang pag-atake kung gikinahanglan.
Samtang, gidayeg sa Presidente sa US nga si Trump ang mga pag-atake sa Israel isip “excellent” ug giingon nga ang Iran adunay panahon pa sa paghimo sa usa ka kasabutan sa nukleyar nga programa samtang aduna pay nahibilin sa ilang nasud.
Kahinumduman nga gipasidan-an usab niini ang Iran nga ang sunod nga pag-atake sa Israel mahimong mas bangis gawas kung ang rehimen dinalian nga moabut sa negotiating table.
