Labing menos 23 patay sa pag-atake sa Israel sa Almat sa Lebanon

Gikataho nga labing menos 23 ka mga tawo, lakip ang pito ka mga bata, ang namatay ug unom pa ang naangol sa gipahigayon nga pagpalupad og strikes sa Israel sa Almat sa lalawigan sa Mount Lebanon sa Lebanon.

Mao kini ang gitaho sa health ministry sa nasud.

Diin gilauman pa sa buhatan nga lagmit mosaka ang ihap sa mga nangamatay tungod sa makamatay nga pag-atake.

Ingon man nga adunay natala nga 3 ka mga tawo ang namatay ug duha ang nasamdan sa Mashghara sa kasadpang bahin sa Bekaa Valley sa Lebanon.

Samtang usa ang namatay ug upat ang nasamdan sa usa ka strike sa Sahmar, ingon man sa kasadpang Bekaa.