UK-Nasikop sa kapulisan sa Middlesbrough ang 43 ka mga tawo atol sa miulbong kaguliyang nga nahitabo sa lungsod.
Ang mga opisyal nagpabilin sa lugar nga nag-atubang sa pipila nga kagubot, bisan paman nga nagkadaghan ng nagkatibulaag nga katawhan tungod sa dili mayhap nga kapintas.
Gawas pa sa mga na-aresto sa Middlesbrough, ang ihap sa mga naaresto nga may kalabotan sa kagubot sa Hartlepool kaniadtong Miyerkules karon anaa sa 20.
Sa pagkakaron, gidungagan na ang presensya sa kapulisan sa mga lungsod ug komunidad sa umaabot nga mga adlaw, arun sa paghatag og kasigurohan sa mga residente ug nakigsulti sa mga miyembro sa publiko bahin sa ilang mga kabalaka.
Hilabi na nga nasayod ang Cleveland Police sa mga mikatap nga impormasyon sa social media ug uban pang palataporma hinungdan nga gitutukan nila ang sitwasyon.
Ingon man nga pokus usab sa Cleveland Police ang ipabilin nga lig-on sa pagpanalipod sa mga tawo, pagpanalipod sa mga komunidad, ug paghimo og lig-on nga aksyon batok sa mga nagtinguha nga magpahinabog kapintasan ug kahadlok sa tibuuk nga Teesside.
