CEBU – Labing minos 72 ka mga negosyo ang nipakita sa ilang mga produkto ug mga butang sa labing unang Talisay City trade fair, nga nagsugod niadtong Biyernes, Hunyo 17, 2022, ug matapos sa Dominggo, Hunyo 19, 2022.
Matud pa sa presidente sa Talisay Chamber of Commerce, Cyril Velasco, nga ang Trade Fair nagtimaan sa pagsaulog sa pagbangon sa sektor sa negosyo human sa duha ka tuig nga pandemya.
Gituohan nga ang trade fair unta ipahigayon sa 2021, apan tungod sa hugot nga mga restriksyon niadto, ang chamber nakahukom nga ibalhin ang fair karong tuiga.
Sakto, ang dakbayan sa Talisay ubos sa Alert Level 1 ug ang Provincial Board nipasar sa ordinansa nga nag-rationalize sa paggamit og face masks, sa ingon, nagtugot sa publiko nga mahimong walay maskara sa mga hawan.
Ang trade fair sa City Hall grounds abli sa tanang bisita, residente o lumalabay, ug bisan mga turista.
Matod ni Velasco nga ang maong chamber nakakita og paspas nga paglambo sa ekonomikanhong kalihokan sa niaging mga buwan, ilabi na sa food industry sa Talisay City.
Sa trade fair, di mominos 30 ka booths ang gigahin alang sa pagkaon, nga nagpakita nga ang Talisay nahimong sentro sa pagkaon sa probinsiya.
Gawas sa pagkaon, ang mga beauty products, fashion, techonology ug crafts nisaka usab ang popularidad sa Talisay City nga makita sa nagkadaiyang booth sa trade fair.
Matud pa ni Velasco nga ang pagtangtang sa mandatory face mask nakatabang gyud sa pagbangon sa mga negosyo tungod kay daghang mga tawo ang adunay hinungdan nga mogawas nga adunay gamay nga mga pagdili.
