CENTRAL VISAYAS-Labing menos singkwenta ka mga physically disabled persons sa dakbayan sa Naga ang natabangan sa Police Regional Office 7 dungan sa ika-45 nga National Disability Prevention and Rehabilitation Week nga adunay tema karong tuiga: “Persons with Disabilities Accessibility and Rights: Towards a Sustainable Future where No One is Left Behind”.
Kining tinuig nga usa ka semana nga kalihokan gi-obserbar ubos sa National Council on Disability Affairs, uban sa tanang publiko ug pribado nga mga ahensya ug mga opisina nga giawhag sa pag-apil ug pagtinabangay sa aktibong pagpakaylap sa kahimtang sa tanang Persons with Disabilities.
Dugang pa, nga nagpasiugda kini sa pagpreserbar ug pagpanalipod sa mga katungod ug kaayohan sa atong mga Persons with Disabilities pinaagi sa paghatag ug igong sukdanan sa panginabuhi, lakip na ang igong pagkaon, sinina ug puy-anan, uban pang mga serbisyo nga gitumong ngadto sa pagpausbaw sa ilang mga kahimtang sa pagpuyo ug usa ka pagduso sa impormasyon sa Gender Sensitivity.
Sa pikas bahin, si Police Brigadier General Anthony A Aberin miila sa mga paningkamot niining PRO-7, uban sa mga partner nga ahensya ug stakeholders alang sa ilang indibidwal ug kolektibong kontribusyon alang sa kaayohan sa mga tawo nga adunay mga kakulangan.
