Laing dakong kausaban sa sports ang gipatuman human gipahibalo sa US Olympic and Paralympic Committee (USOPC) ang pagsunod niini sa mando ni US President Donald Trump nga nagdili sa mga transgender nga babaye sa pag-apil sa women’s sports.
Ang USOPC miingon nga obligado kini nga motuman aron dili mawad-an og pundo ang mga miyembrong organisasyon.
Gilangkoban sa dul-an sa 50 ka nasyonal nga mga organisasyon sa sports, mao nga gilauman nga bisan ang mga lokal nga sports club mahimong mapugos sa pag-usab sa ilang mga lagda aron mapadayon ang ilang pagkamiyembro.
Ingon man nga ang USOPC usa sa nagkadako nga lista sa mga global nga sports body nga nagpatuman sa mga estrikto nga palisiya karong tuiga:
Nag-una niini ang World Cycling, diin gidili ang mga transgender women nga nag-transition human sa male puberty gikan sa pagsalmot sa women’s races, nunot sa kalampusan sa American rider nga si Austin Killips.
University of Pennsylvania: Tulo ka mga rekord sa eskuylahan nga gitakda ni Lia Thomas, usa ka transgender swimmer, gibawi isip bahin sa kasabutan nga tuldukan ang federal investigation.
Ingon man ang World Aquatics (dating FINA), World Boxing, U.K. Sports, ug World Athletics (Track and Field).
