Laing dakong pagsaka sa presyo sa mga produkto sa lana, ipatuman sunod semana

Giandam na sa Department of Energy (DOE) ang mga motorista alang sa laing dakong umento sa presyo sa mga produktong petrolyo.

Base sa ilang panagna, ang presyo sa diesel mahimong mosaka sa P1.53 ngadto sa P1.60 matag litro.

Samtang ang gasolina adunay usbaw nga moabot ngadto sa P1.06 matag litro.

Adunay usbaw usab nga P1.26 matag litro sa kerosene.

Gikonsiderar sa DOE ang rason sa pagmahal sa mga produkto sa lana tungod sa nagpadayong tensiyon sa Middle East.

Sa Lunes, mahibaw-an na kung pila ang umento sa presyo nga sagad ipatuman sa Martes.(Bombo Irene Ardiente)