CEBU – Gipaabot na lang sa Office of the Senior Citizens’ Affairs (OSCA) ang anunsyo ni Cebu City Mayor Edgardo Labella kung kanus-a ipanghatag ang cash assistance alang sa mga senior citizen.
Gibutyag ni Jeffrey Ocampo, ang head sa OSCA, nga dili pa niini mapadayag ang petsa sa pag-release sa cash assistance gumikan kay giingong nagdepende pa kini sa mayor.
Matud pa nga nasayod kini nga naghinam-hinam na usab ang mga Lolo ug Lola nga makadawat sa ilahang pinansyal nga assistance apan sa pagkakarun giingong wala pa gayud sila’y husto nga petsa.
Hinuon, gisiguro niini nga dali nila nga ipahibalo kung ugaling aduna na’y petsa nga ihatag si Mayor Labella. Kahinumdoman nga katapusan nga nakadawat ang mga senior citizen sa ilahang cash assistance niadtong buwan sa Marso ning kasamtangan nga tuig.
