CEBU CITY-Wala’y kulba nga nangawat ang 35-anyos nga lalaki sa Sitio Sto. Rosario Barangay Labangon ning dakbayan sa Sugbo bisan paman nga adunay pulis nga nagpuyo sa maong dapit.
Base sa imbistigasyon nga nakabantay ang biktima nga adunay laing tawo sa ilang panimalay, ingon man nga sa pagsusi niini abli na ang pitaka ug bag sa iyang asawa.
Hinungdan nga dali kining nangayo og tabang sa ilang silingan nga usa ka pulis ug miresulta sa daling pagkasikop sa suspek ug gidala sa Labangon Police Station 10 ug gitanggong samtang nagpaabot sa kasong gihikay alang kaniya.
Subay niini, padayon nga gi-awhag sa mga sakop sa kapulisan sa Labangon ngadto sa publiko nga i-report sa pinaduol nga istasyon kung adunay mga mamatikdan nga mga daotang elemento sa tagsa-tagsa ka mga dapit gumikan pinaagi sa pagtinabangay mamintinar ang kahapsay ug kalinaw.
