Nagpagawas og warrant of arrest ang usa ka korte sa Batangas para sa pugante nga si Charlie ‘Atong’ Ang nga may kalabotan sa kaso nga iyang giatubang nga alegason sa missing sabungeros.
Mismong si Prosecutor General Richard Anthony Fadullon ang nagkumpirmar nga ang Lipa City, Batangas Regional Trial Court ang nagpagawas og warrant of arrest para kang Ang ug 20 pa ka kaubang akusado.
Ang mando nga gi-isyu mahitungod sa kaso nga iyang giatubang nga ‘6 counts of kidnapping with homicide’ nga walay piyansa.
Busa, gimandoan sa korte ang mga awtoridad nga i-serve ang warrant of arrest ug hingpit nga dakpon si Atong Ang aron madala siya sa kustodiya sa korte.
Gimandoan usab sa maong korte ang mga arrest officer nga magsul-ob og body worn cameras ug alternatibong recording device sa pagpatuman sa warrant.
Dugang pa, ang Sta. Cruz, Laguna Regional Trial Court Branch 26 kaniadto nagpagawas og warrant of arrest sa laing kaso nga gisang-at batok kang Atong Ang.
Sumala sa Department of Justice, kini mao ang 16 ka counts sa kidnapping with serious illegal detention ug 10 ka counts sa Kidnapping with Homicide nga may kalabotan sa missing sabungeros.
