Lakip sa 100 bilyon budget nga gisugyot ni Rama, itagana sa alternatibong mga kadalanan sa Sugbo

CEBU CITY-Giangkon ni Cebu City Councilor Joy Pesquera nga dako ang kantidad nga 100 Bilyon nga gisugyot nga budget ni Mayor Micheal Rama alang sa 2024.

Gihatagan og gibug-atan niini nga wala’y problema og mo-set og taas nga target ang mayor apan, kinahanglan nga makab-ot kini, ingon man nga dili molabaw sa appropriations.

Sa pakighinabi sa Bombo Radyo Cebu News Team ngadto kang konsehal Pesquera nasayran nga ang gisugyot nga budget ni Rama itagana niini ngadto sa pag-abli sa mga bag-ong kadalanan, ingon man ang pagpalapad sa mga dalan.

Kusganon usab nga gituohan niini nga usa sa mga solusyon nga masulbad and problema sa trapiko, ang pag-abli og alternatibong mga kadalanan.