CEBU CITY – Narescue sa Bureau of Fire Protection (BFP) 7 ang usa ka lalaki nga misuway ug layat gahapong adlawa sa usa ka residential building sa dalan Plaridel, Barangay Santo Nino, Dakbayan sa Sugbo.
Kung diin milanat ug kapin sa oras ang nahimong negosasyon ngadto sa maong lalaki para lang kini dili mudayun ug layat.
Giila ang lalaki nga si Damazo Wenceslao, 25 anyos ug nagpuyo sa Barangay Labangon, Dakbayan sa Sugbo.Basi sa imbestigasyon ni PO1 Winston Ybanez sa homicide section nga nanukad ang maong lalaki sa ika-11 nga andana sa maong building ug matud pa gugma ang hinungdan nganu nga mulayat nalang kini.
Gani sa ilang negosasyon nangita pa kini sa iyang kanhi hinigugma mao nga gipakuha gyud ang maong babae apan wala gihapon mipatoo si Wencelao ug milayat gyud.
Maayo nalang kay nagunitan sa rescuer ang kamot apan mi-slide kay dangog man sa singot hinungdan nga sa nahagsa hinuon kini sa frame sa aircon sa ika-10 nga andana.
Sigon ni Ybanes nga susamang naka-amgo kini nga dili sakto ang iyang gibuhat mao nga nakadeisider na kini nga mubalik na og saka ug sulod sa building.Nasayran nga duha ka semana palang nga trato niya ang naasoy nga babae ug nagbuwag na sila.
Apan giingong dili makadawat ang maong lalaki nga nakakita na kini dayon ug lain nga gipuli kaniya.
Human sa maong insidente gidala ang maong lalaki sa VSMMC Center para ipa-ubos sa psychiatric observation.
