Giingong inosente nga pagtimbaya sa dalan kay misangpot sa kamatayon sa 32-anyos kinsang gidunggab sa iyang uyab sa makadaghang higayon sa dalan sa González Catán sa Argentina.
Giila ang biktima nga si Natacha Palavecino nga gidunggab sa iyang hinigugma nga si Mariano Grinspun, 23-anyos, hangtod nga namatay tungod sa selos.
Subay sa surveillance footage, si Palavecino ug Grinspun naggunitay nga naglakaw duol sa dalan Balboa ug La Bastilla dihang ilang nasugatan ang usa ka babaye nga giila lang sa pangalan nga “LC,” kanhi classmate ni Mariano.
Ang kadiyot nga pagbinayloay og pagtimbaya kay nakapukaw sa grabeng selos ni Natacha.
Sa way pasidaan, nibunot siyag kutsilyo ug gidunggab si LC sa kili-kili ug sa iyang paghagba kay misuway si Natacha og laing pag-atake apan nakabangon kini ug nakaikyas tungod sa mga tawo nga milabay usab nga mitabang.
Hinungdan nga iyang gipahimungtan si Mariano ug daling gidunggab sa dughan.
Nag-atubang og daghang kaso si Palavecino lakip ang pagpatay ug pag-atake, tungod sa pagdunggab kang LC ug sa makamatay nga pag-atake kang Grinspun.
Ang kaso nakapukaw sa usa ka debate sa Argentina bahin sa kapintasan sa panimalay ug ang pagkakomplikado sa abusadong mga relasyon.
