CEBU – Alang sa usa ka lalaki nga gas station attendant sa Ibajay, Aklan, dili na importante nga magtaas ang presyo sa gasolina basta dili lang mosaka ang presyo sa softdrinks nga iyahang gihulip sa tubig sulod sa 20 ka tuig.
Nasayran nga mokonsumo og 10 ka botelyang softdrinks si Mang Virgilio dela Cruz sulod sa usa ka adlaw.
Nagsugod kini pagkaadik sa softdrinks niadtong anaa pa kini sa pangedaron nga 40 anyos.
Ug ang iyahang sweldo nga P400 sa pagka-gas attendant, katunga niini magasto tungod sa softdrinks nga iyahang gitawag nga ‘pang-maintenance’ sa iyahang panglawas.
Hapit na moretiro si Mang Virgilio apan naghunahuna na kini kung unsa ang iyahang igasto sa iyahang pagka-adik sa softdrinks kung wala na kini trabaho.
Gibati og kahadlok ang anak ni Virgilio nga si Lyn tungod sa posibleng dili maayong epekto niini sa panglawas sa iyahang amahan.
Nasayod si Mang Virgilio sa mga huhungihong bahin sa dili maayong epekto sa lawas sa sobrang pagkonsumo sa softdrinks sama sa diabetes ug urinary tract infection o UTI.
Apan dihang nagpatest kini, nasuta nga normal ra ang iyahang blood sugar.
