Literal nga gibiyaan ang nasinati sa usa ka babaye human kini wala’y pagduha-duha nga wala na lingia sa iyang uyab.
Ang maong talagsaon nga insidente kay nahitabo sa San Mateo, Rizal diin ang managhigugmaay kay nibisita sa usa ka motoran ug tumong nga daw mopalit og bag-ong motorsiklo.
Sumala kang Rizal Police Provincial Director Police Colonel Felope Maraggun, mihangyo ang suspek sa seller nga i-test drive ang motorsiklo apan ulahi na kini nahibal-an nga wala na nakabalik ug mipalayo na dala ang scooter nga nagkantidad og P215,000.
Ug gibilin sa maong suspek ang iyang uyab sa seller.
Nagtinguha pa ang seller nga kontakon ang suspek apan unresponsive na kini rason nga ang biktima nitaho sa kapulisan sa San Mateo.
Samtang, wala mibalibad ang nobya nga gidala sa mga pulis sa presuhan.
Matud pa niini, sa online dating app lang niya nakit-an ang lalaki ug wala siya’y ideya nga mahimo kini sa iyang uyab.
Gawas sa motorsiklo gikuha pa niya ang mahalon nga cellphone sa babaye.
Padayon pa karon ang follow-up operations sa mga pulis aron masikopo ang suspek, samtang anaa sa kustodiya sa San Mateo Police Station ang babaye.
Nanghinaut usab ang uyab sa suspek nga mo-surender sa dautan nga iyang gihimo.
