Madugong gidangatan sa lima ka sakop sa pamilya human kini gipatay sa suspek sa wala pa niini gikutloan ang iyang kaugalingon sa Palhapur sa Rampur Mathura, India.
Giila ang akusado nga si Anurag Singh, 42-anyos, unang nipusil patay sa iyang 65-anyos nga inahan nga si Savitri ug gisunod nga giatake ang iyang 40-anyos nga asawa nga si Priyanka gamit ang martilyo.
Dayon giliso sa lalaki ang iyang pagtagad ngadto sa iyang tulo ka anak nga nag-edad og 12, 9, ug 6-anyos diin iyang gilabay gikan sa atop sa iyang balay nga miresulta sa hinanaling kamatayon sa duha samtang ang 6-anyos nakaangkon og kritikal nga mga samad ug daling gidala sa tambalanan apan, namatay usab kini.
Ingon man nga gipusil dayon sa lalaki ang iyang kaugalingon.
Basi sa taho nga adunay depekto sa pangisip ug usa ka adik sa drogas, kinsa kanunay nga makiglalis sa iyang mga sakop sa pamilya kay gusto nila nga ipadala siya sa usa ka de-addiction center.
