CEBU CITY-Gipusil-patay ang usa ka lalaki kinsang namadlong sa namato sa ilang balay sa Sitio Manol, Barangay Tisa sa dakbayan sa Sugbo.
Giila ang biktima nga si Edward Rosales Young 26-anyos, nga nag puyo sa maong lugar nga nakaangkon og samad pinusilan sa liog.
Base sa imbestigasyon sa Labangon Police Station 10 sa pagpangulo ni Police Major Eraño Regidor nga miingon ang biktima sa iyang inahan nga adunay namato sa ilang atop.
Hinungdan nga nananghid kini nga iyang gawson arun susihon gumikan adunay lalaki nga nagtuyok-tuyok usab sa ilang balay nga iyang kusganong gituohan nga maoy namato.
Apan, pipila ka minutos ang nakalabay ang pagbuto sa armas na ang nadungog sa inahan ug sa pagsusi niini ila nalang nakita ang biktima nga nagbuy-od sa iyang lawas nga pinusilan.
Dali nga mitawag sa pulis ug ambulansya ang pamilya apan, wala na kini nag-ginhawa.
Sa pagkakaron, milusad na ang kapulisan sa labangon og manhunt operation arun sa pagsikop sa suspetsado.
