PROVINCE OF CEBU- Gipusil patay ang usa ka negosyante ug soft drinks sa Dakbayan sa Danao, sa wala pa mailhing suspek, gahapon sa hapon Hulyo 10.
Giila ang gipusil nga si Gino Pasana Durano 45 anyos taga Purok Calabasa Barangay Cambubho dakbayan sa Danao.
Sa imbestigasyon sa Danao City police station sa pagpangulo sa ilang hepe nga si Police Lieutenant Colonel Ike Arriola mga buto lang sa armas ang nadunggan sa mga residente sa maong dapit.
Sa pag tan-aw sa mga tawo nag buy-od na ang biktima nga si Durano nga maoy hinungdan nga dali sila nga mi report sa Police Community Precinct sa Barangay Lawaan sa nahisgutang Siyudad.
Gitino ni Arriola nga aduna na silay person of interest sa pagkakaron nga gitakdang ipaubos sa imbestigasyon ug gisubay sa ilang imbestigasyon ang personal nga atraso ang agulo sa paghimo sa maong krimen.
