MINGLANILLA, PROVINCE OF CEBU-Patay na nga miabot sa tambalan kining usa ka 33 anyos nga lalaki human pusila sa wala pa mailhing suspek, kining maong biktima gipusil samtang natulog sulod sa panimalay.
Nahitabo ang pag pamusil sa ala 1:30 ang takna sa kadlawon adlaw nga martes, Oktobre 17,2023,didto sa Purok Mangga Barangay Manduang bukirang Barangay sa Lungsod sa Minglanilla.
Ang biktima nailhan nga si Jissie Delantar Ordoño 33 nga taga didto ra usab sa dapit.
Sa gihimong imbistigasyon sa Minglanilla Police Station, nasayran nga unom ka mga buto sa wala pa matino nga armas ang nadunggan sa mga residente ug taud-taud ilahang nasayran nga si Ordoño naligo na sa kaugalingong dugo.
Dugang pa, nga an biktima nga gipusil patay maoy suspek sa pag panigbas sa biktima nga si Noel Agac-ac Antipuesto nga nahitabo niadtong adlaw nga sabado, Oktobre 14,2023.
Inisyal nga imbistigasyon nga nakuha sa mga pulis kalabot na sa unsay hinungdan sa pag panigbas sa biktima nasayran nga panagbangi sa tinubdan sa tubig ang sinugdananan niini.
Nasayran nga ang biktima usab nagka lalis ang iyang inahan ug kining biktima nianang gabii sa petsa 16, ning bulana.
Ang kapulisan nag subay na karon sa mga posible nga angulo sa pag pusil patay sa biktima lakip na nga subayon ang pag panimawos sa mga naka away niini.
Narekober ang lima ka mga kabhang nga bala sa kalibre 45 nga armas nga maoy gitoohang gamit nga armas sa mamuno.
