Lalaki gitabangan og kulata, adunay power nga mobuga og kalayo?

Daw susama sa action-fantasy ang nahitabong engkwentro sa grupo sa mga musikero ug sa usa ka lalaki sa Mexico.

Kini human nga gitabangan sa pagkulata sa mga musikero ang usa ka lalaki apan lahing depensa ang gihimo sa lalaki aron dili kini madehado.

Matud pa nga kalit lang nga gibugahan og kalayo ngadto sa mga lalaki kinsang mga niresbak aron tabangan ang kauban nila nga nakig-away sa nag-inusarang lalaki.

Apan, giingong nasayop og nabangga ang grupo gumikan ang maong lalaki nga mikurat, diay usa ka flamethrower o entertainer sa peryahan nga nagbuga og kalayo.

Subay sa imbestigasyon sa kapulisan, nag-ugat ang away sa inilugay sa kita o wala nagkasinabot sa bahin.