Cebu City- Patay ang usa ka lalaki human gipusil sa riding in tandem sa Sangi Road Brgy. Pajo dakbayan sa Lapu-lapu.
Ang biktima giila nga si Paul Jonathan Umpad, 52 anyos ang pangidaron ug residente sa Sto. Niño Village Brgy. Basak dakbayan sa Lapu-lapu samtang ang duha ka mga suspetsado wala mailhi.
Base sa inisyal nga imbestigasyon sa PS 3 sa Lapu-lapu City Police Station 3, matud pa nga samtang ga drive ang biktima gisundan kini sa riding in tandem ug kalit nga gipusil sa makadaghan mga higayon.
Naigo ang biktima sa iyang likod, sa walang bahin sa iyang ulo ug sa uban pang parte sa iyang kalawasan. Na recover sa maong insedente ang 6 ka mga bala sa caliber 45. Ug diha-diha dayun gi deklarar kining dead on the spot.
Ug sa pagkakaron padayun pa kining gisuta sa kapulisan sa dakbayan sa lapu-lapu ug si kinsa kining mga suspetsado nga responsable sa maong krimen.
