Kung maghisgot na kita og proposal sagad sa mahuna-hunaan sa kadaghanan kung unsa kanindot ang singsing, unsa ka mahal ug unsa kadako ang bato niini.
Gani para sa mga kababayn-an, mao kini ang pinakanindot nga ‘moment’ kun higayon sa ilang kinabuhi tungod kay halos tanang babae ang nangandoy nga makasal ug mupaso sa simbahan.
Apan sa gawas sa nasud, dunay lalaki nga nilahi ang paagi sa pagpropose sa iyang hinigugma.Si Joel Booth usa ka dentista nga nga nagpuyo sa Kalispell, Montana ang mi-propose sa iyang girlfriend nga si Kadie Latimer pinaagi sa usa ka itoy–usa ka golden retriever puppy.
Boot na matud pa ni Joel nga mupropose ug gusto niya nga espesyal kini, ug tungod kay usa siya ka doglover ug duna usab siyay mga golden retriever, mao nga kini ang iyang nahuna-hunaan.
Sa usa ka beach, didto gihatag ni Joel ang itoy, samtang nahibulong si Kadie kung kang kinsa ang maong iro.Apan sa dihang gitan-aw niini ang tag sa liog sa itoy dunay nakabutang nga “Kadie will you marry me?”.
Wala matud pa dayon nakatingog si Kadie ug sa dihang miluhod na si Joel didto na niya na-amgohan nga seryoso kini og espesyal ang maong itoy.
Wala usab masayang ang effort ni Joel sanglit mitubag man si Kadie og ‘YES’.
