NIGERIA-Nakabuak og world record ang usa ka lalaki nga taga Nigeria human kini nag-twerk sulod sa tulo ka oras ug 30 minutos.
Giila kini nga si Babajide Israel Adebanjo kinsang nagtinguha nga makab-ot ang maong record.
Malipayong gipaambit ang ‘acceptance email’ gikan sa Guinness World Records nga nagpasabot nga opisyal nga giila sa organisasyon ang iyang record-breaking nga kalampusan.
Gipasalamatan usab ni Babajide ang tanan nga nagsuporta kaniya aron makompleto ang journey nga puno sa kusog ug positibo nga panan-aw.
Apan, pagpasabot niini nga dili lang ang target nga malangkat ang titulo gumikan gusto usab niya nga ipasiugda ang pagpataas sa kahibalo mahitungod sa depresyon ug sa importansya sa mental health.
Alang sa mananayaw sa Nigeria, ang kalampusan dili lamang usa ka rekord sa kalibutan apan usa ka selebrasyon sa determinasyon ug usa usab ka panawagan alang sa pagkahibalo sa kahimsog sa pangisip.
