Mitaliwan na sa ead nga 88-anyos si James Harrison o mas nailhan nga ”Man with the Golden Arm,” tungod sa gidaghanon sa dugo nga iyang gidonar nga nakahatag og pagtambal sa 2.4 ka milyon nga mga bata.
Nasayran nga 1,173 ka beses siyang midonar og dugo sulod sa 64 ka tuig.
Diin ang iyang talagsaon nga blood plasma kay adunay Anti-D antibody, nga gigamit sa paghimo og tambal alang sa mga inahan nga nameligro nga atakehon sa ilang dugo ang ilang wala pa matawo nga mga bata.
Tungod sa iyang mga donasyon, naluwas ang kinabuhi sa milyonmilyong bata.
Ingon man nga ang iyang mga donasyon nagbilin og bililhong kabilin, ug ang mga siyentista naglaom nga gamiton ang iyang dugo sa paghimo pag-usab sa Anti-D antibodies sa laboratoryo ug pagpugong sa rhesus D hemolytic nga sakit sa fetus ug bag-ong natawo (HDFN) sa tibuok kalibotan.
