CEBU CITY-Nagkabulingit sa bun-og ang nawng sa usa ka 37-anyos nga lalaki human kini gitabangan og kulata sa mga estambay sa dalan sa B. Rodriguez ning dakbayan sa Sugbo.
Human kini gipangdapatan ang tulo ka mga babae niadtung adlaw sa Dominggo, Hunyo 9, 2024 tungod dili kini ganahan og mga maanyag.
Hinungdan nga mao’y naka-ingon sa pagkatanggong sa suspek sa Abellana Police Station tungod sa reklamu sa tulo ka mga babae nga hitsuraan nga iyang gipangtamparos.
Matud sa Hepe sa Abellana Police Station nga si Police Major Mark Don Alfred Leanza ang tulo ka babae gipang tamparos sa managlahi nga lugar, diin ang unang babae nga biktima gitamparos sa Jakosalem St. sa Barangay Zapatera.
Samtang ang ikaduha nga babae nga biktima gitamparos sa Osmena Boulevard sa may Department of Health, ug ang ikatulo nga biktima gitamparos sa may Maternity Ward sa dalan B. Rodriguez ning dakbayan sa Sugbo.
Sa dihang nakabantay ang mga sakop sa kapulisan sa Abellana Police Station nga adunay commotion, dali dayun nila kining girespondehan hinungdan nga nadakpan ang suspek.
Ingon man nga ang suspek giingong adunay deperensya sa pangisip ug kutub sa masugatan nga gwapa iyang tamparuson apan matud pa sa Hepe nga Medical Professional ra ang maka-
determine kung anaa ba kiniy deperensya sa pangutok.
Sa pagkakaron, kasong serious physical injury ang gi-file nga kaso batok sa maong suspek.
