CEBU CITY-Nasikop sa kapulisan sa Mabolo Police Station ang lalaki nga giila nga hitman ug nalambigit sa gun-for-hire sa Sitio Tarcom, Barangay Lahug sa dakbayan sa Sugbo.
Giila kini nga si Marlon Avella Tabar, 45 anyos ug lumulopyo sa naasoy nga lugar, nakuhaan kini og usa ka Smith and Wesson .33 revolver nga adunay duha ka bala og usa ka pakete sa gituohang shabu nga motimbang sa 5 grams nga adunay standard drug price nga P64,000.
Gibutyag sa kapulisan nga adunay nanawagan nga concerned citizen sa ilahang buhatan gumikan nga adunay nakit-an nga armadong tawu sa Sitio Tarcom.
Nasayran nga ang maong lugar taguanan sa mga notado nga kriminal human makahimo og mga krimen.
Dugang pa nga gitudlo usab ang suspek nga bata-bat ni Jiovanie Lagahit, diin nanulis sa coffee shop sa Salinas drive niadtong Oktubre 30, 2023.
Mo-atubang ang suspek og kaso nga kalapasan sa RA 9165 ug illegal possession of firearms ug Comelec gun ban.
