CONSOLACION,CEBU- Nadakpan sa mga mirespondeng kapulisan sa Consolacion Municipal Police Station ang usa ka 44 anyos nga lalaki human giingong nang-hostage ug mipusil sa iyang 38 anyos niyang igsuon sa Purok Zenia 1, Sitio Pun-ok, Brgy. Tayud, Lungsod sa Consolacion kagahapon, Biyernes Hulyo 3, 2026.
Giila ang suspek nga si “Marlon”, 44 anyos, walay trabaho, ug residente sa Purok Zenia 1, Sitio Pun-ok, Brgy. Tayud, Lungsod sa Consolacion, samtang ang biktima nga si “Rick”, 38 anyos, igsuon sa suspek, minyo, ug residente sa susamang dapit.
Base sa impomasyon sa Consolacion Municipal Police Station, nadawat sa ilang buhatan ang taho nga adunay armadong lalaki ang nang-hostage sa maong lugar. Daling miresponde sa maong lugar ang kapulisan diin ilang nasugatan ang 38 anyos nga biktima nga si “Rick”, nga adunay samad pinusilan sa walang bahin sa tiyan.
Sa paggukod sa mga operatiba sa suspetsado nga si “Marlon”, nakigpinusilay pa kini sa mga pulis diin hingpit kini na-neutralize og naigo sa may paa
Daling gidala sa ospital ang biktima ug suspetsado diin sila nagpaalim sa ilang mga angol
Sa eksklusibong pakighinabi sa Bombo Radyo Cebu News Team ngadto sa igsuon ni “Marlon” ug “Rick”, giingong nagsugod ang tanan sa diha nga miabot ang suspetsado nga si “Marlon” sa lugar kaganihang pasado alas 6 sa buntag nga nangita sa iyang kapuyo
Sa diha nga giingnan siya sa iyang mga pag-umangkon nga wala ang iyang live in partner, dali kining mibunot sa .22 nga revolver ug mihostage sa iyang mga kabanay
Pagkahibalo sa komosyon, daling miabot si “Rick” ug buot unta mopakalma sa suspetsado apan kalit kining gipusil kini sa tiyan hinungdan sa iyang nahiagom nga angol
Sa testimoniya sa mga gi-hostage sa suspetsado giingong “bangag” ug praning si “Marlon” ug giingong usa pa kini ka semana nga wala pa kini tugpa
Dugay nang tiggamitan ug ilegal nga drugas ang suspek diin sigun pa sa mga kabanay niini kalit kining ma bayolente og maniun ug armas kung makasuyop
Kasamtangang gipaubos karon sa hospital arrest ang suspek nga si “Marlon” diin mag-atubang kini ug mga kaso samtang anaa na sa stable na kondisyon ang igsuon niini nga si “Rick”
